साइन्स फिक्सन ‘एक्लो’मा वेनिशा बनिन् यस्तो साइन्स फिक्सन ‘एक्लो’मा वेनिशा बनिन् यस्तो

साइन्स फिक्सन फिल्म ‘एक्लो’मा अभिनेत्री वेनिशा हमालले निर्वाह गरेको चरित्रको पोस्टर सार्वजनिक भएको छ।

सार्वजनिक पोस्टरअनुसार हमालले निर्वाह गरेको पात्रको नाम फिल्ममा ‘रानी मारा’ रहेको छ।

अभिनेत्री हमालले आफ्नो फेसबुकमा चरित्र पोस्टर सेयर गरेकी छन्।

“एक्लोकी रानी मारालाई भेट्नुहोस्। बाँच्ने अटल इच्छाशक्तिका साथ पुनर्जन्म। उनी केवल आफ्नै लागि लडिरहेकी छैनन्, उनीसँग एउटा उद्देश्य छ, जसले सबै कुरा परिवर्तन गर्नेछ।” – पोस्ट सेयर गर्दै वेनिशाले लेखेकी छन्।

प्रदीप शाही फिल्मका निर्देशक हुन्। शाहीले यसअघि ‘गोर्खा: बिनिथ द ब्रेभरी’ तथा ‘अन्तिम संस्कार’ निर्देशन गरिसकेका छन्, जसमध्ये डेब्यू निर्देशन ‘गोर्खा: बिनिथ द ब्रेभरी’ अमेजन प्राइममा समेत रिलिज भएको थियो।

यो फिल्ममा वेनिशाका अलावा प्रदीप खड्का, विजय लामा, सुनिल थापा, दीया पुन, दिनेश डीसी, कविता नेपाली, सुरजसिंह ठकुरीलगायतको अभिनय छ। बेलायती अभिनेता जेमी बेकन समेत यो फिल्मका अभिनेता हुन्।

राजु कुमार गुरूङ, हरि श्रेष्ठ, विष्णु तामाङ, उत्सव विष्ट, भाइराजा थापा, नवीन सिवा, बागवीर पुन निर्माता रहेका छन्, भने कार्यकारी निर्माता विनोद सुवेदी ‘क्षितिज’ हुन्।

फिल्मको छायांकन बाबु श्रेष्ठले गरेका हुन्। फिल्म सन् २०२५ मा रिलिज गर्ने तयारीमा निर्माण पक्ष रहेको छ।

केहि भन्नु छ?

Copyright © Ramailo6 - All right reserved. Designed by Zookti