फिल्म ‘लाज शरणम्’ प्रदर्शनको पाँचौँ हप्तामा प्रवेश गरेको छ। शिवरात्रिको अवसर पारेर फागुन १४ गतेबाट रिलिज भएको फिल्म पाँचौँ हप्तामा प्रवेश गरेको हो।
उच्च शो सहित प्रदर्शन सुरु गरेको फिल्ममा अहिले पनि दर्शक रहेका छन्। दर्शकबाट राम्रो प्रतिक्रिया आइरहेको निर्माण पक्षले बताएको छ।
“फिल्म ‘लाज शरणम्’ सफलतासहित पाँचौँ हप्तामा प्रवेश गरेको छ,” निर्माता नवीन श्रेष्ठले भने, “दर्शकको राम्रो प्रतिक्रिया र राम्रो व्यापार गर्दै ‘लाज शरणम्’ तेस्रो हप्तामा प्रवेश गरेको हो। अहिले पनि फिल्मलाई उपलब्ध शोमा दर्शकको संख्या उच्च छ।”
‘लाज शरणम्’ले पहिलो दिन एक करोड १० लाख रुपैयाँ ग्रस कलेक्शन गरेको थियो।फिल्ममा सीताराम कट्टेल, विजय बराल, अर्पण थापा, महेश त्रिपाठी, मुकुन्द श्रेष्ठ, विजय लामा, रेणुनाथ योगी, सागर लम्साल, हरि निरौला, अर्जुन घिमिरे, कमलमणि नेपाल, प्रियाना आचार्य, दयाहाङ राई र बुद्धि तामाङ लगायतको अभिनय छ।
‘लाज शरणम्’लाई कुमार कट्टेल (जिग्री) ले निर्देशन गरेका हुन्।जेपिटी क्रियसनको ब्यानरमा बनेको फिल्मका निर्माता नवीन श्रेष्ठ हुन् भने राम नरेश शाह र सृजना खड्का सह-निर्माताका रूपमा रहेका छन्।
