‘पुष्पा’ भन्दा ‘पूर्णबहादुरको सारंगी’को कमाइ झण्डै दोब्बर!

२०८१ सालको अन्त्यसँगै सार्वजनिक हुनथालेको नेपाली वक्सअफिस कारोबार अनुसार यस वर्षको सर्वकालिन हिट फिल्म ‘पूर्ण बहादुरको सांरगी’को कमाइ नेपालमा सर्वाधिक विदेशी फिल्मभन्दा झण्डै दोब्बरको करिब रहेको देखाएको छ ।

यस वर्ष सबैभन्दा बढि ग्रस व्यापार अल्लु अर्जुनको ‘पुष्पा : द रुल’ले गरेको छ । चलचित्र विकास बोर्डको वक्सअफिस रिपोर्ट अनुसार अल्लुको यो फिल्मले कुल २६ करोड ४४ लाख रुपैयाँ ग्रस कमाइ गरेको छ । जबकी सो तथ्यांक अनुसार सर्वकालिन हिट ‘पूर्णबहादुरको सांरगी’ले ४६ करोड ८० लाख रुपैयाँ ग्रस कमाइ गर्न सफल भएको छ ।

यो वर्ष नेपाली वक्सअफिसमा ८३ वटा विदेशी र ६४ को संख्यामा नेपाली फिल्म रिलिज भए ।

‘पूर्णबहादुरको सांरगी’ले देखाइदिएको नेपाली वक्सअफिसको गुलजार भविष्यका कारण पछिल्लो समय नेपाली फिल्मको निर्माणमा उल्लेख्य वृद्धि भएको छ । यो रफ्तार हेर्दा आगामी वर्ष हरेक शुक्रबार कम्तिमा दुई नेपाली फिल्म रिलिज हुनेछन् । फिलमहरुको यो संख्याले कस्तो वक्सअफिस नतिजा देलान त्यो दर्शनीय हुनेछ जसको चर्चा हामी पछि गर्नेछौं ।

यस वर्ष सर्वाधिक कमाइ गरेका नेपाली र विदेशी फिल्मको सूचि भने यस्तो छ ।

सर्वाधिक कमाइ गरेका १० नेपाली फिल्म

१) पूर्णबहादुरको सारंगी- ४६ करोड ८० लाख रुपैयाँ ग्रस

२) १२ गाउँ- १९ करोड ९२ लाख रुपैयाँ ग्रस

३) छक्कापञ्जा ५- १५ करोड २० लाख ग्रस

४) बोक्सीको घर- १० करोड २ लाख ग्रस

५) अञ्जिला- ७ करोड ५० लाख रुपैयाँ ग्रस

६) पूजार सार्की- ७ करोड ३७ लाख रुपैयाँ ग्रस

७) घरज्वाइँ- ५ करोड ९ लाख रुपैयाँ ग्रस

८) फर्की फर्की- ४ करोड ८४ लाख रुपैयाँ ग्रस

९) मनसरा- ४ करोड ७८ लाख रुपैयाँ ग्रस

१०) लाज शरणम्- ४ करोड ३४ लाख रुपैयाँ ग्रस